ఆహా ! నాకు ఇవ్వాళ పిచ్చ సంతోషంగా ఉంది. ఎందుకంటారా ? ఎందుకెంటండీ బాబు (బాబు కి స్త్రీ లింగం ఎంటో నాకు తెలియదు) ఇదే కదా నా మొదటి పోస్ట్ . అదిగో కొందరు అపుడే నవ్వడం మొదలెట్టారు .
1) ఏం మేము కాదా legends మాకు ఉండకూడదా బ్లాగ్స్ ? ( vajrotsav style lo)
2) అయ్యా ! ఎవరెవరో రాస్తున్నరూ ఏదేదో రాస్తున్నరూ అలాంటపుడు నేను రాయడం లో తప్పేంటి అని అడుగుతున్నాను (మన మాజీ CM style )
3) ఏం మాట్లాడుతున్నారు మీరు ... మతి ఉండే మాట్లాడుతున్నారా అని అడుగుతున్నాను .కష్టపడి శ్రమదానం చేసి ఒక బ్లాగ్ రాస్తే నవ్వుతున్నారా ఇదేమి న్యాయం అని ప్రశ్నిస్తున్నాను . జై బ్లాగు భూమి !! జై జై బ్లాగు భూమి .( ఇది కూడా మన మాజీ CM స్టయిల్ లో చదువుకోండి )
4) అరె ఆఖరికి మా పోరాగాండ్లు బ్లాగ్ రాసుకుంటే కూడా నవ్వుతూండ్రు ... మీ వొల్లే రాసుకోవాలి కానీ తెలంగాణ ముద్దు బిడ్డలము మేము రాసుకోవద్ద ఏంది ? గది కూడా సూత్తమ్ ఎన్ని రోజులు నవ్వుకుంటారో ఏ పాటి నవ్వుకుంటారో సూత్తమ్ .
5) నేను మార్గదర్శి లో చేరాను ఒక బ్లాగ్ మొదలు పెట్టాను .
విషయం ఏంటంటే East India వాళ్ళు ఇండియా కి వచ్చినప్పటి నుండి అనుకుంటున్నాను నాకంటూ ఒక బ్లాగ్ ఉండి అందులో నా పైశాచికత్వం అంతా ప్రదర్శించాలి అని . కానీ అబ్బే !! ఇప్పటికీ కుదిరింది .
సరేలే ఇప్పటి నుండి అయిన దీన్ని కొనసాగించాలని గట్టిగా తీర్మానించుకుంటున్నాను (దీన్ని అంతగా పట్టించుకోకండి please ).
